ՀՀ-ն չպետք է որպես աշխարհագրական պատնեշ գործի Թուրքիայի և Ադրբեջանի միջև։ Զանգեզուրի միջանցքը պետք է և բաց կլինի։ Ինչքան շուտ հասկանան սա, այնքան լավ։ Այդ մասին հայտարարել է Ադրբեջանի նախագահ Իլհամ Ալիևը։
Ալիևը ցանկանում է չեզոքացնել «հայկական սեպը» զենքի ուժով։ Ադրբեջանի նախագահը մեսիջ է հղում թե հայ ժողովրդին, թե միջազգային հանրությանը, որ ՀՀ-ն կամ «հայկական սեպը», ինչպես ՀՀ-ին նկարագրում է թուրք-ադրբեջանական տանդեմը՝չպետք է խոչընդոտի, որպեսզի Թուրքիան և Ադրբեջանը միանան։ Այսինքն, ՀՀ-ն չպետք է խանգարի Մեծ Թուրանի կառուցմանն ու Անկարայի ու Բաքվի պանթուրքական ծրագրերին։
Մեծ Թուրանի ծրագիրը ձեռնտու է նաև անգլո-սաքսոնական ուժերին՝ՌԴ-ի, Իրանի և Չինաստանի դեմ գործելու համար։
Ալիևը կրկին սպառնում է ՀՀ-ին, որ Բաքուն զենքի ուժով բացելու է Զանգեզուրի միջանցքը, իսկ Արևմուտքն ոչինչ չի անելու հայ ժողովրդին օգնելու կամ փրկելու համար։ Փաշինյանն ու ՔՊ-ն չեն հակադարձում Ալիևի սպառնալիքներին, քանի որ վախենում են նրանից։
Ելքը մեկն է՝այն քաղաքական թիմը, որը վախենում է Ալիևից և չի կարողանում պաշտպանել հայոց պետականությունը՝հայկական Սյունիքը պետք է հեռանա՝տեղը զիջելով ազգային, պետական մտածելակերպ ունեցող, պրոֆեսիոնալ քաղաքական թիմին։
ՀՀ-ում պետք է տեղի ունենա իշխանափոխություն, որպեսզի հայոց պետականությունը փրկվի։ ՔՊ-ն հնազանդ կատարել է և կատարելու է Բաքվի և Անկարայի բոլոր պահանջները՝Արցախը հանձնված է, իսկ Հայոց ցեղասպանության մասին ՔՊ-ականները պատրաստ են մոռանալ՝հանուն հայ-թուրքական սահմանի բացման։
ՀՀ քաղաքացիները պետք է գիտակցեն, որ Երևանում 2018թ․—ին իշխանության են բերվել թուրքական և արևմտյան շահերի լոբբիստները, ովքեր ատում էին Արցախը և մեծ սիրով այն հանձնեցին Ադրբեջանին։
Հայոց պետականության փրկության համար շատ քիչ ժամանակ է մնացել, քանի որ Բաքուն ակտիվ զինվում է և պատրաստվում է նոր պատերազմի՝Սյունիքն օկուպացնելու համար։
Անդրանիկ Պետրոսյան
