Ռուսական պատվիրակությունն այցով ժամանել է Դամասկոս, հայտնում է ՌԻԱ «Նովոստի»-ի թղթակիցը։ Պատվիրակության կազմում են ՌԴ փոխարտգործնախարար Միխայիլ Բոգդանովը և Սիրիայի հարցով ՌԴ նախագահի հատուկ ներկայացուցիչ Ալեքսանդր Լավրենտևը։
Սա ռուս պաշտոնյաների առաջին այցն է Դամասկոս այն բանից հետո, երբ Բաշար ալ Ասադը հրաժարական է տվել Սիրիայի նախագահի պաշտոնից և լքել է երկիրը անցյալ տարվա դեկտեմբերին:
2024 թվականի նոյեմբերի վերջին զինված ընդդիմադիր խմբավորումները լայնածավալ հարձակում են սկսել սիրիական բանակի դիրքերի դեմ։ Դեկտեմբերի 8-ին նրանք մտել են Դամասկոս, դրանից հետո Բաշար ալ Ասադը հրաժարական է տվել։ Սիրիայի փաստացի ղեկավար է դարձել «Հայաթ Թահրիր ալ Շամ» խմբավորման ղեկավար Ահմեդ ալ Շարաան։
