ԱՄՆ նախագահ Դոնալդ Թրամփը կարող է էական փոփոխություններ մտցնել համաշխարհային օրակարգում, սակայն Հնդկաստանը շարունակելու է առաջնորդվել արտաքին քաղաքականության մեջ ազգային շահերով։ Այս մասին հայտարարել է Հնդկաստանի արտաքին գործերի նախարարության ղեկավար Սուբրահմանյամ Ջայշանքարը՝ ելույթ ունենալով Դելիի համալսարանում։ Այս մասին փոխանցում է ՏԱՍՍ-ը։
«Այո, շատ բան կփոխի, միգուցե որոշ բաներ դուրս կգան ծրագրի շրջանակներից, բայց մենք պետք է արտաքին քաղաքականություն վարենք ծրագրից դուրս և երկրի շահերից ելնելով»,- ասել է նա։
«Մենք կարող ենք տարաձայնություններ ունենալ որոշ հարցերում, բայց շատ ոլորտներում ամեն ինչ կբխի մեր շահերից»,- ասել է նախարարը՝ մատնանշելով Հնդկաստանի վարչապետ Նարենդրա Մոդիի և Թրամփի լավ հարաբերությունները։
«Մեր հարաբերություններն ԱՄՆ-ի հետ ամուր են, և Մոդին լավ անձնական հարաբերություններ ունի Թրամփի հետ»,- ասել է նա։
Հարցին, թե Թրամփը Հնդկաստանի բարեկամն է, թե թշնամին, նախարարը ԱՄՆ նախագահին անվանել է «ամերիկացի ազգայնական»։
