ԱՄՆ նախագահ Դոնալդ Թրամփը մտադիր է ստորագրել հրամանագիր, որով նախատեսվում է պատժամիջոցներ սահմանել Միջազգային քրեական դատարանի (ՄՔԴ) դեմ։ Այս մասին, ինչպես տեղեկացնում է Reuters գործակալությունը, հայտնել է Սպիտակ տան ներկայացուցիչը։
Ըստ աղբյուրի՝ Թրամփը փետրվարի 6-ին կստորագրի հրամանագիր, որով նախատեսվում է ֆինանսական և վիզային սահմանափակումներ կիրառել այն անձանց և նրանց ընտանիքների նկատմամբ, որոնք աջակցում են ՄՔԴ-ի կողմից ԱՄՆ քաղաքացիների կամ նրա դաշնակիցների դեմ հետաքննությունների անցկացմանը։
Պատժամիջոցների սպառնալիքը ՄՔԴ-ի դեմ առաջացել է այն բանից հետո, երբ 2024 թվականի նոյեմբերին դատարանը ձերբակալման օրդեր էր տվել Իսրայելի վարչապետ Բենիամին Նեթանյահուի և Իսրայելի պաշտպանության նախկին նախարար Յոավ Գալանտի դեմ՝ Գազայում ռազմական և մարդկության դեմ հանցագործությունների գործով։
Սպիտակ տան ներկայացուցիչը նշել է, որ Թրամփի վարչակազմը կոշտ միջոցներ կձեռնարկի՝ պաշտպանելու ԱՄՆ-ի և նրա դաշնակիցների շահերը միջազգային իրավական հարթակներում։
