«Եթե իմ ծնողներն իրար չեն հասկացել, դա չի նշանակում, որ ես հայր չունեմ: Ես ամենավերջին մարդն եմ, ով կարող է խառնվել այդ հարցին: Դա իմ անձնականը չէ, ես երբեք չեմ հասկացել այն երեխաներին, ովքեր խառնվել են ծնողների անձնականին:
Շատերը մտածում են, որ եթե բաժանվել են, այլևս չեն կարող ամուսնանալ, բայց դա խանդ ու էգոիստություն է ծնողի հանդեպ: Չի կարելի ծնողին դժբախտացնել միայն նրա համար, թե մարդիկ կողքից ինչ կմտածեն: Ցանկացած դեպքում մայրդ մեծանում է, մեկը պետք է լինի, որ նրան ջուր բերի, անկախ նրանից, որ դու լավ զավակ ես ու պատրաստ ես անել դա: Բայց մեկը պետք է, որ այդ մարդը մենակ չծերանա: Ես այդպես եմ մտածում:
Շատ կուզեի, որ իմ մայրը իր կողքին տղամարդ ունենար: Բայց նա ամբողջ կյանքում աշխատել է, որ ես հոր պակաս չզգամ: Ես շփվում եմ իմ հոր հետ, սթրեսներ այդ առումով երբեք չեն եղել: Ու ես դեռ շատ փոքր տարիքից միշտ ուզել եմ, որ մորս կողքը տղամարդ լինի, բայց այդպես էլ չի եղել: Եղբայրս այդպես չի մտածում ու կարծում եմ՝ դա նպաստել է, որ մայրս իր կողքին տղամարդ չի ունեցել: Եղբայրս անգամ չի ընդունել այն, որ հայրս նորից ամուսնացել է: Ինձ համար դա չափն անցնել է, և շատ կուզեի, որ մայրս մենակ չծերանար»,- «Կյանքի ուղիներով» հաղորդման շրջանակներում՝ խոսելով ծնողների ամուսնալուծության մասին, ասել է դերասանուհի, բլոգեր Մագա Հարությունյանը:
