ԱՄՆ-ում ծնողներին ձերբակալել են՝ իրենց 15-ամյա դստերը հավաբնում պահելու համար։ Այս մասին, Gazeta.ru–ի փոխանցմամբ, հայտնում է KRQE-ն։
Միջադեպը տեղի է ունեցել Նյու Մեքսիկո նահանգում։ Իրավապահ մարմինները ուշադրություն են դարձրել 2024 թվականի սեպտեմբերին ստեղծված իրավիճակի վրա, երբ երեխաների պաշտպանության ծառայություններն իրենց բողոքն են ուղարկել ընտանիքի վերաբերյալ։
Ինչպես տուժողն ինքն է ասել, նրան ամիսներ շարունակ պահել են հավաբնում՝ չնայած եղանակային պայմաններին։ Ընդ որում, աղջիկը կարողացել է օրական միայն երկու անգամ օգտվել զուգարանից, իսկ ծնողներն իրենց դստերը կերակրել են արագ պատրաստվող լապշայով:
Հաղորդվում է, որ տուժածը եղբայրներ ու քույրեր ունի։
Արդյունքում 15-ամյա աղջիկը հեռացվել է ընտանիքից։ Ծնողները ձերբակալվել են, նրանց մեղադրանք է առաջադրվել երեխայի նկատմամբ դաժան վերաբերմունքի համար։ Նրանք ներկայումս կալանքի տակ են։
