«Վազգեն. Վերջին Սպարապետը» Ֆիլմում Վազգենի անձնական կյանքի և կանանց հետ հարաբերությունների մասին թեման ևս արծարծվել է:
Այս մասին ֆիլմի հեղինակը՝ Վազգեն Սարգսյանի եղբոր դուստրը՝ Նոնո Սարգսյանը պատմել է «Tete A Tete» հաղորդման շրջանակներում:
«Ֆիլմում նկարահանվել է այն, ինչ գրել է ինքը երիտասարդ տարիքում, ֆիլմում դա իր խոսքերով է ներկայացված: Նա պատերազմի տարիներին շատ սիրային նամակներ էր ստանում կանանց կողմից, իսկ վերջին տարիներին՝ հոկտեմբեր 27-ից 6-7 ամիս առաջ իր վերջին հարաբերություններն են ներկայացված: Վկաների ասելով՝ դա եղել է ամենատարբերվող հարաբերությունները:
Ցավոք, ես չեմ ճանաչում այդ կնոջը: Եթե այլ դեպքերում շրջապատում ճանաչել են կանանց, ում հետ նա ռոմանտիկ հարաբերություններ է ունեցել, այս դեպքում գրեթե ոչ ոք չի էլ ճանաչել: Հեռվից են տեսել միայն, որովհետև կապը երկուսի միջև է եղել: Նրանք հանդիպել են հիմնականում դրսում, քայլել ու զրուցել են: Իրեն շատ մտերիմ մարդկանց ասելով՝ շատ նուրբ ու տարբերովող հարաբերություններ են եղել:
Այդ հարաբերությունները Լիլիթ Կարապետյանի մասին չեն: Բոլոր այն կանայք, ովքեր հորեղբորս հետ ինչ-որ կապ են ունեցել, ես նրանց բոլորին սիրում եմ: Մենք առհասարակ Լիլիթ Կարապետյանին չենք ճանաչել: Միգուցե եղել են ռոմանտիկ հարաբերություններ ու դա շատ բնական է՝ չամուսնացած, գեղեցիկ տղամարդը կարող էր հարաբերություններ ունենալ գեղեցիկ, երիտասարդ, չամուսնացած աղջկա հետ:
Բայց, այն, որ տատիկս ու ընտանքիը դեմ է եղել, մենք չենք էլ ճանաչել Լիլիթ Կարապետյանին: Եթե անգամ ես փոքր եմ եղել, տատիկս էլ չի ճանաչել նրան: Տատիկս անգամ չգիտեր Լիլիթ Կարապետյանը դերասանուհի է, նկարչուհի է, երգչուհի է, ուղղակի չի ճանաչել:
Մենք իմացել ենք միայն այս աղջկա մասին, ում մասին ֆիլմում նկարահանված է»,- պատմել է Նոնո Սարգսյանը:
