Քաղաքապետարանը պարզաբանել է, թե ինչու են այժմ փոխարինվում թեղի մանրատերև ծառատեսակները, և ի՞նչ հետևանքներ կարող է ունենալ դրանց բուժման նպատակով պարբերաբար իրականացվող քիմիական պայքարը:
«Արմենպրես»-ի փոխանցմամբ՝ Երևանի քաղաքապետարանից նշում են, որ Երևանում առկա փողոցային տնկարկներում թեղի մանրատերև ծառատեսակն ունի բազմաթիվ խնդիրներ, որոնք դրսևորվում են տարբեր հիվանդություններով. մասնավորապես, նրանց արմատային և բնային հատվածներում առկա են նեմատոդներ (որդեր), որոնք սնվելով ծառի համար պահանջվող օրգանական և հանքային նյութերով, չեն թողնում, որպեսզի ծառը կայուն զարգացում ապրի։
Իսկ փողոցային բոլոր տնկարկները գտնվում են բազմաբնակարան շենքերի հարևանությամբ. նշված աշխատանքները բնապահպանական և առողջապահական տեսանկյունից առնվազն անթույլատրելի են:
Ըստ աղբյուրի՝ մյուս խնդիրն այն է, որ ծառերին հարակից բացօթյա սրճարանները, սննդի կետերը, ցայտաղբյուրները, նստարանները, շենքերի բաց պատշգամբները ևս ամբողջությամբ պատվում են տվյալ տեսակի օգտագործվող քիմիական նյութով, որն իրենից թույն է ներկայացնում։
Երևանում թեղի ծառերը 1940-1950-ական թվականներին հիմնականում տնկվել են փողոցներում, պուրակներում և բակերում։
