Հայաստան-Արցախ համահայկական երիտասարդական միությունը հայտարարություն է տարածել.
«Երեւանի սրտում այսօր բազմաթիվ մեր հայրենակիցներ, ովքեր Արցախից են տեղափոխվել Հայաստան, մասնակցում էին հանրահավաքի, որտեղ նրանց կողքին կանգնած էինք նաեւ մենք` երիտասարդներս։
Արցախի մեր ընկերներն ու նաեւ գործընկերները կրողն են այն ամենի, ինչ տեղի է ունենում այսօր մեր երկրում եւ մենք չենք կարող անտարբեր մնալ։
Մինչ այսօր, հիմա եւ հետո, առավել քան երբեւէ , հայտարարել եւ հայտարարում ենք, որ մենք մի ազգ ենք եւ մեկ բռունցք, մենք ազգ ենք, որին չի կարելի պառակտել եւ բաժանել։ Այստեղ բնակվող երիտասարդներս մշտապես կանգնելու ենք մեր այն հայրենակիցների կողքին, ովքեր Արցախից են տեղափոխվել այստեղ՝ իրենց երկրորդ հայրենիք։
«Հայաստան-Արցախ» ՀԵՄ-ի որդեգրած սկզբունքներին համապատասխան` մենք միասնականության կոչ ենք անում եւ պահանջում բոլոր գերատեսչությունների ներկայացուցիչներից, որպեսզի ցուցաբերեն համարժեք կամք ու պատրաստակամություն մեր հայրենակիցների խնդիրները 1 օր շուտ լուծելու համար։
Մեր աջակցությունն ու սրտի ջերմությունն ենք փոխանցում հանրահավաքի վայրից Արցախի բոլոր մեր քույր եղբայրներին եւ հույս հայտնում, որ ամեն բան լավ է լինելու։»,- ասված է հայտարարության մեջ։
