Քառօրյա պատերազմից հետո դասեր քաղել ենք և եթե չլիներ 2018 թվականի հեղափոխությունը, ապա կկարողանայինք դիմակայել 2020 թվականի Ադրբեջանի կողմից սանձազերծված պատերազմին: Այս մասին Եռաբլուրում 24news-ի հետ զրույցում ասաց Արցախի ԱԺ պատգամավոր Դավիթ Գալստյանը:
Նա նշեց, որ քառօրյայի ժամանակ առաջին անգամ կիրառվեցին անօդաչու թռչող սարքերը և արդեն ՀՀ-ն իր ունեցած տեղեկություններով համապատասխան միջոցառումները ձեռնարկել էր հակաօդային պաշտպանության համար:
«Քանի որ լսել ենք տարբեր բարձրաստիճան պաշտոնյաների հարցազրույցներ, որ փոխվել է զենք-զինամթերքի ձեռքբերման ռազմավարությունը, դրա համար ունեցանք այն, ինչ ունեցանք: Մենք, կարելի է ասել, դասեր քաղել էինք և իզուր չի, որ ասում ենք քառօրյա, քանի որ կարճ ժամանակում մեր պաշտպանության բանակը կարողացավ ինքնակազմակերպվել, կանգնեցնել թշնամու առաջխաղացումը, որից հետո կնքվեց հերթական հրադադարը: Ինչը տեղի չունեցավ 44-օրյայի ժամանակ և տեսանք, որ մարդիկ պատասխանատվությունից խուսափեցին, իբր թե իրենց դավաճան կասեին, եթե դադարեցնեին պատերազմը և եթե չունենայինք զոհեր»,- ասաց նա։
Գալստյանը շեշտեց՝ այսօրվա իշխանությունը, ով շահարկելով քառօրյա պատերազմը, ձևակերպելով հայրենիք են հանձնել 400 հեկտար, բարձունք են կորցրել, այս թեզերի տակ իշխանություն զավթածները թուրք-ադրբեջանական տանդեմին նվիրեցին մի ամբողջ Արցախ։ «Եվ, ցավոք սրտի, այսօր չկան նրանք, ընդհուպ չեն հիշում, որևէ հանրային խոսք չասեցին մեր քառօրյա պատերազմի հերոսների մասին»,- ասաց Արցախի ԱԺ պատգամավորը։
