Գյումրու և Փարաքարի ընտրությունները փաստում են մի բան, որ Հայաստանում ժողովրդավարությունն իսկապես արմատանում և անշրջելի իրողություն է դառնում:
«Միանշանակ, ցանկացած ընտրական պրոցեսից հետո մասնակիցները վերլուծում են իրենց արդյունքները։ Ըստ էության, մենք ավելի շատ ունենք ձայն հավաքած 21 թվականի համեմատությամբ, բայց, իհարկե, արդյունքները մեզ չեն գոհացնում: Վստահաբար, «Քաղաքացիական պայմանագիր» կուսակցությունը, մանրամասն վերլուծելով ընթացքը, արդյունքները, որոշակի հետևություններ անելով, կպատրաստվի հաջորդ ընտրություններին»,- ասաց նա։
Ճշտող հարցին՝ կիսո՞ւմ է թիմակցի՝ Վիլեն Գաբրիելյանի, տեսակետը, թե 26-ին իշխանություն չեն լինի, նա պատասխանեց. « Չէ, չեմ կիսում։ Մեր կառավարությունն իրագործում է տված խոստումները, և մեր քաղաքացիների կյանքը դեպի բարելավում է տանում, և միանշանակ, հավակնում է 26 թվականին ևս իշխանության գալ»,- ասաց նա։
