Ուկրաինայի անվտանգության որոշ երաշխիքներ «կարող են ընդունելի» լինել Կրեմլի համար, սակայն ՆԱՏՕ-ին անդամակցելը «բոլորովին անհնար է»: Այս մասին Fox News-ին տված հարցազրույցում հայտարարել է Պուտինի հատուկ ներկայացուցիչ Դմիտրիևը՝ չհստակեցնելով, թե Մոսկվան ինչ երաշխիքներ է ընդունելի համարում:
Հիշեցնենք, որ Դմիտրիևն այժմ Վաշինգտոնում է, որտեղ բանակցություններ է վարում Թրամփի վարչակազմի հետ։ Ավելի վաղ նա նշել էր, որ հանդիպումները «նշանակալի առաջընթաց» են գրանցել հրադադարի համաձայնագրի ուղղությամբ։
