Եմենի՝ «Անսար Ալլահ» շարժման հութիները անօդաչու թռչող սարքերով հարված են հասցրել Թել Ավիվի տարածքում գտնվող «ռազմական թիրախին»։ Այս մասին հայտնել է շարժման ներկայացուցիչ Յահյա Սարիան։
Նա իր X էջում հայտնել է, որ Եմենի զինված ուժերը ռազմական գործողություն են իրականացրել «գրավյալ Յաֆֆայի տարածքում» ռազմական թիրախին հարվածելու համար՝ օգտագործելով «Յաֆա» անօդաչու թռչող սարք։
Սարիան հավելել է, որ հութիները ոչնչացրել են նաև ԱՄՆ-ի օգտին աշխատող հետախուզական ինքնաթիռ։
