Առավոտյան 5,4 մագնիտուդ ուժգնությամբ երկրաշարժ է գրանցվել Կուրիլյան կղզիների հյուսիսայի հատվածի մոտ։ Այս մասին ՌԻԱ Նովոստիին հայտնել է Յուժնո-Սախալինսկի սեյսմիկ կայանի ղեկավար Ելենա Սեմյոնովան։
Նրա խոսքով, երկրաշարժը տեղի է ունեցել Խաղաղ օվկիանոսում ժամը 13:59-ին (Երևանի ժամանակով 6:59-ին): Երկրաշարժի էպիկենտրոնը գտնվել է Պարամուշիր կղզու Սևերո-Կուրիլսկ քաղաքից 165 կմ հարավ, իսկ օջախը գտնվել է 60 կմ խորության վրա։
Սեյսմոլոգը նշել է, որ երեք ուժգնությամբ ցնցումներ են զգացվել Սևերո-Կուրիլսկում, սակայն ցունամիի ահազանգ չի հայտարարվել։
