Ժողովրդական բառ-բանով ասած, ընդ որում վերջերս տեսաք նաև Վանո Սիրիադեղյանի խոսքն աղավաղված վերագրելով Հրանտ Մաթևոսյանին՝ մեզ կրթում են իրենց տգիտությամբ, ինչպես ասում են ծակոտկեն սրտում գիտելիք չմնացած լինելով ի՞նչ են փորձում անել: Այս մասին իր ուղերձում ասաց Բագրատ Սրբազանը` անդրադառնալով Նիկոլ Փաշինյանին և Աննա Հակոբյանին։
«Քանի որ գող և այդ գանձանակի վրա են կարգված կամ հայտնվել են այդ գանձանակի վրա, իրենց միակ ձգտումը, ցանկությունը այդ շղարշի ճանապարհով իրենց չարիքի իշխանությունը շարունակելն է»,- ասաց Սրբազանը:
Սրբազանի խոսքով, նրանք ուրիշ ձգտում չունեն, նպատակը միայն փողի իշխանություն ունենալն է.
«Մարդկանց վրա, մարդկանց կյանքերի վրա որոշակի իմաստով լծակներ և ազդեցություն ունենալն է: Ոչ աշխարհի հետ հարաբերության մեջ, աշխարհաքաղաքական տարբեր կենտրոնների, ուժերի, բևեռների և այլոց հետ, որտեղ ոչ մի բանի տեղ չեն դնում այլևս, միայն պահանջ ունեն, հասկանալով, թե ինչպիսի խամաճիկի հետ են գործում և թե ներքին կյանքում, սպառված լինելով, բոլոր իմաստով սպառված լինելով փորձում են համացանցային կամ ոչ այս պատկերներով շատ հաճախ, ինչպես մեզ տեղեկություններ հասնում են, մարդկանց ստիպելով տանել իրենց տգիտության, քարոզչության ներկա գտնվելուն և այդ ներկայության ճանապարհով փորձել ցույց տալ, թե իրենք որքան ընդունված են, որքան ճիշտ և տեղին է իրենց գործողությունը: Ցանկալի կլիներ այդ նորաձև կրթվելու դասախոսություններից մեկը հրապարակվեր ուղղակի, ուղղակի ամբողջությամբ ներկայացվեր և դուք ինքներդ համոզվեք, սիրելի ժողովուրդ, որ սա տգիտության շքերթ է: Դրանից մի փոքրիկ դրվագը հայտնվեց և արդեն հասկացաք ինչը։ Մնացածի մասին էլ չեմ խոսում»,- եզրափակեց Սրբազանը:
