Մայիսի 21-ին վերջանում է Արցախի Հանրապետության Ազգային ժողովի լեգիտիմ ժամանակը։ Վերին աստիճանի անհանգստացնող է դա։ Ազատության հրապարակում Արցախցիների իրավունքների պաշտպանության խորհրդի շտաբում տեղի ունեցած հանդիպում-քննարկման ասաց «Ընդդեմ իրավական կամայականության» հասարակական կազմակերպության գործադիր տնօրեն, ՀՀ առաջին ՄԻՊ Լարիսա Ալավերդյանը։
«Իշխանական թիմն օգտագործելու է արցախցիներին Արցախի դելեգիտիմացման համար։ Պետք է մտածել՝ ինչ ենք անելու։
Երևանում՝ Արցախի ներկայացուցչությունը միակ լեգիտիմ ներկայացուցչություն է։ Ո՞վ է ասել, որ վաղը չի գտնվելու մի 100-200 հոգի, որ գնան ու ասեն՝ դուրս եկեք այդտեղից, ոչ մի բան չեք արել»։
Ալավերդյանի խոսքով, պետք է ունենալ կոնցեպտ, որպեսզի հնարավոր լինել դիմադրել այդ հստակ վտանգին։
«Մայիսի 21-ից հետո մենք կարող ենք այնպիսի պահի հետ առնչվել, որ հավասարազոր կլինի 2023 թվականի սեպտեմբերի 19-ին, բայց դա արդեն տեղի կունենա Հայաստանի իշխանության կողմից։
Իշխանությունը ոչ մի խոչընդոտ չունի մայիսի 21-ից հետո հանել այդ ներկայացուցչությունը և չկա սեղանին դրած ծրագիր»,- ասաց նա։
