Գյումրիում 2026 թվականին ավելի շատ ձայն ենք հավաքելու, քան՝ 2021 թվականին։ Լրագրողների հետ զրույցում նման համոզմունք հայտնեց ԱԺ նախագահ Ալեն Սիմոնյանը։
«Էն առաջարկը, որ ՔՊ կուսակցությունն անում է և կանի ՀՀ քաղաքացուն, այլընտրանք չունի։ Մեր խաղաղության օրակարգն առաջարկելու ենք մարդկանց և նրանք ընտրություն են կատարելու»,– ասաց նա։
Սիմոնյանի խոսքով՝ Փարաքարի և Գյումրիի ընտրությունները տեղային խնդիրների մասին էին, բայց կար քաղաքական կոմպոնենտ։
«Նախկինները տարբեր մարդկանց դեմքերով եկան, մասնակցեցին, օրինակ՝ Վարդան Ղուկասյանը ներկայացնում էր Ռոբերտ Քոչարյանին, ն մյուսը՝ Սերժ Սարգսյանին, մի-մի կտոր ձայն տարան, հիմա փորձում են միավորվել։ Հաղթանակն այն է, երբ մարդիկ կունենան քաղաքապետ, կաշխատի Գյումրու համար, ռեալ բաներ կանի»,- նշեց ԱԺ նախագահը։
