«Եկել եմ, տիկին դեսպանին հիշեցնելու իմ գոյության մասին, խոշտանգումների ոը բռնության մասին»,-Panorama.am-ի հետ զրույցում ասաց ոստիկանների կողմից խոշտանգման ենթարկված ու այս պահին Հայաստանում ԱՄՆ դիմաց բողոքի ակցիա իրականացնող Սամվել Վարդանյանը։
Նա բացատրեց, թե ինչու է որոշել հենց այստեղ միայնակ բողոքի ակցիա իրականացնել.
«Դեսպան տիկին Քվինը գրեթե ամեն օր գովաբանում է ոստիկանության բարեփոխումները, բայց մենք ունենք փաստեր անցած մեկ տարում ոստիկանության աշխատակիցների կողմից բռնությունների, խոշտանգումների վերաբերյալ»։
Սարսափելի խոշտանգման ենթարկված երիտասարդը նշում է, կարելի է «ամոթ ունենալ» ու մի քիչ քիչ խոսել բարեփոխումների մասին, քանի որ Հայաստանում կա Սամվել Վարդանյան ու նրա դեպքը։
«Դա այնպիսի խոշանգում էր, որ նորանկախ Հայաստանի պատմության մեջ չէր եղել, աննախադեպ էր։ Բաժիններում ու այլ տեղերում բռնություններ եղել էին, բայց որ նման հոլիվուդայն սցենարով խոշտանգում կլիներ… Ու այդ ամենից հետո տիկին դեսպանն ասում է, թե ինչքան լավն է ոստիկանությունը։ Ես այստեղ եկել եմ ասեմ, որ ԱՄՆ գտրամադրած գումարներն ուղղվում են ոստիկանական բռնությունների հովանավորմանը»,-ասաց Վարդանյանը։
