ԱՄՆ նախագահ Դոնալդ Թրամփը պատերազմի պատասխանատվությունը չի դնում իր ուկրաինացի գործընկերոջ՝ Վլադիմիր Զելենսկու վրա, սակայն կարծում է, որ վերջինս «բավականաչափ չի արել» պատերազմը կանխելու համար։ Այս մասին, ինչպես նշում է korrespondent.net-ը, Թրամփն ասել է Սպիտակ տանը լրոգրողների հետ հանդիպմանը:
«Իհարկե, Ռուսաստանը շատ ավելի մեծ է, ավելի հզոր ռազմական ուժ է: Բայց եթե խելացի ես, պատերազմի մեջ չես ներքաշվի… Ես նրան (Զելենսկիին) չեմ մեղադրում, բայց չեմ էլ տեսնում, որ նա լավ աշխատանք կատարի: Ես նրա երկրպագուն չեմ»,- փորձել է իր տեսակետը բացատրել Թրամփը:
Նա նաև ասել է, որ ռուս-ուկրաինական պատերազմի համար մեղադրում է բոլորին։
