Ապրիլի 21-ին 88 տարեկանում վախճանվել է Հռոմի պապ Ֆրանցիսկոսը։ Նա պոնտիֆիկոս էր ընտրվել իր նախորդի՝ Բենեդիկտոս XVI-ի կամավոր գահից հրաժարվելուց հետո և պաշտոնավարել է 3,055 օր։
Խորխե Մարիո Բերգոլիոն ծնվել է 1936 թվականին Բուենոս Այրեսում՝ իտալացի ներգաղթյալների ընտանիքում: Նա 2013 թվականի մարտի 13-ին դարձել է 266-րդ Պապը՝ առաջին լատինաամերիկացին և ճիզվիտը, որը զբաղեցրել է այդ պաշտոնը: Առաջին բանը, որ Ֆրանցիսկոսն ասել է իրեն ընտրած կարդինալներին, հետևյալն էր.«Հուսով եմ՝ Աստված կների ձեզ այն ամենի համար, ինչ դուք հենց նոր արեցիք»:
Ֆրանցիսկոսն ապրում էր համեստ՝ հրաժարվելով շքեղությունից և ընտրելով ավելի պարզ բաներ։ Նրա կարգախոսն է «Աղքատ եկեղեցի՝ աղքատների համար»:
Ստորև ներկայացնում ենք kommersant.ru-ի ուշագրավ ֆոտոշարքը՝ Հռոմի պապ Ֆրանցիսկոս կյանքի տարբեր փուլերից.
Ապագա պոնտիֆիկոս Խորխե Մարիո Բերգոլիոն (ձախից) մեծացել է Բուենոս Այրեսում իտալացի ներգաղթյալների ընտանիքում
Խորխե Մարիո Բերգոլիոն, ստանալով քիմիական ինժեների աշխարհիկ կրթություն, ընդունվել է ճեմարան։ Այն ավարտելուց հետո 1958 թվականին նա ընդունվել է ճիզվիտների վանական միաբանություն։ 1969-ին ձեռնադրվել է քահանա։ 1998 թվականին դարձել է Բուենոս Այրեսի արքեպիսկոպոս։ 2001 թվականին նա բարձրացվել է կարդինալատի աստիճան։
Եպիսկոպոս Խորխե Մարիո Բերգոլիոն (կենտրոնում) և հայր Խոսե Մարիա դե Պաոլան (աջից), որը հայտնի է որպես «Հայր Պեպե», այցելում են Բուենոս Այրեսի մի տնակային թաղամաս, 1998 թ.
Հռոմի պապ Ֆրանցիսկոսը պաշտոնապես ընտրվել է 2013 թվականի մարտի 13-ին, նա անմիջապես հայտարարել է, որ Վատիկանում իր նոր նստավայրը չափազանց ընդարձակ է և խնդրել է կրճատել իրեն հատկացված սենյակների թիվը։ Լուսանկարում՝ Հռոմի պապի առաջին հայտնվելը Սուրբ Պետրոսի տաճարի պատշգամբում ընտրվելուց հետո
Պապական իշխանության գլխավոր խորհրդանիշներից մեկը, որը ներկայացվում է գահակալության արարողությանը, «ձկնորսի մատանին» է։ Հռոմի պապ Ֆրանցիսկոսը գումար խնայելու նպատակով խնդրեցլ էր, որ մատանին իր համար պատրաստեն ոչ թե ոսկուց, ինչպես սովորաբար արվում է, այլ արծաթից։
Գահակալության արարողությունից առաջ պոնտիֆիկոսը կոչ էր արել իր արգենտինական կաթոլիկ հոտին չգալ Հռոմ և խնայած գումարը ծախսել բարեգործության վրա։
2001 թվականին Ավագ շաբաթվա ընթացքում ապագա Պապ Խորխե Մարիո Բերգոլիոն այցելել էր ՁԻԱՀ-ով հիվանդների հոսփիս, որտեղ լվացել և համբուրել էր 12 հիվանդների ոտքերը։
Հռոմի պապ Ֆրանցիսկոսը Վատիկանի Սուրբ Պետրոսի հրապարակում գրկել է հիվանդ տղամարդուն, 2013 թ.
2013 թվականի մարտի 23-ին կաթոլիկության պատմության մեջ տեղի ունեցավ եզակի իրադարձություն՝ երկու պոնտիֆիկոսների՝ նորընտիր Ֆրանցիսկոսի (ձախից) և պատվավոր Պապ Բենեդիկտոս XVI-ի հանդիպումը։
Հռոմի Ֆրանցիսկոս պապն օրհնում է երեխային հաշմանդամ երեխաների գիշերօթիկ դպրոց այցելության ժամանակ, 2013 թ.
Հավատացյալների ամբոխը Ռիո դե Ժանեյրոյի Կոպակաբանա լողափում, որտեղ Հռոմի Պապ Ֆրանցիսկոսը ելույթ է ունեցել Երիտասարդության համաշխարհային օրվա տոնակատարությունների շրջանակում, 2013թ.
Պոնտիֆիկոսը, որը քարոզում էր խնայողություն և կշռադատված ծախսեր, հրաժարվել էր լիմուզինից՝ ընտրելով ավելի համեստ ավտոմեքենա:
Հռոմի պապ Ֆրանցիսկոսը երկրպագում էր Սան Լորենցո ֆուտբոլային թիմին։ Իսկ 2008 թվականի մարտի 12-ից նա ակումբի ակտիվ անդամ էր և նույնիսկ մասնակցել է ֆուտբոլի հավաքականի հիմնադրման 100-ամյակին նվիրված պատարագին։
Հռոմի պապ Ֆրանցիսկոսը նայում է Իսրայելի վարչապետ Բենիամին Նեթանյահուի (կենտրոնում) կողմից իրեն տրված Մենորային՝ վերջինիս Վատիկան այցի ժամանակ, 2013թ.
Հռոմի պապ Ֆրանցիսկոսը հանդիպում է երեխաների և կամավորների հետ Վատիկանում, 2013թ.
2013 թվականի դեկտեմբերին Հռոմի պապ Ֆրանցիսկոսը Time Magazine-ի կողմից ճանաչվել է տարվա մարդ:
Հռոմի պապ Ֆրանցիսկոսը հարցազրույցներից մեկում խոստովանել էր, որ հաճախ է իրեն թույլ տալիս նիրհել երեկոյան աղոթքի ժամանակ:
Իտալացի նկարիչ Դարիո Գամբարինը, ով հայտնի է դարձել իր յուրահատուկ արվեստի գործերով, Հռոմի պապ Ֆրանցիսկոսին պատկերել էր Վերոնայի (Իտալիա) ցորենի դաշտերից մեկում:
Հռոմի Պապ Ֆրանցիսկոսը պոնտիֆիկոսի հագուստով երեխայի հետ Վատիկանի Սուրբ Պետրոսի հրապարակում, 2014թ. փետրվար
Հռոմի պապ Ֆրանցիսկոսն ու իր երեխաները աղավնիներ են բաց թողնում աղոթքի ժամանակ
Հռոմի Ֆրանցիսկոս պապը սրբերի շարք է դասել շուրջ 900 մարդու։ Օրինակ՝ նրա նախորդները՝ Հովհաննես XXIII-ը, Հովհաննես Պողոս II-ը և Պողոս VI-ը հռչակվել են նոր սրբեր:
Հռոմի Ֆրանցիսկոս պապը Սուրբ Պետրոսի հրապարակում օրհնում է հավատացյալներին, 2013 թ.
2013 թվականի հոկտեմբերին Հռոմի պապ Ֆրանցիսկոսը որոշել է վաճառել իր Harley-Davidson Dyna Super Glide մոտոցիկլետը Լոնդոնի Bonhams-ի կողմից անցկացված բարեգործական աճուրդում։ Մոտոցիկլետը պոնտիֆիկոսին նվիրել են հայտնի մոտոցիկլետային ապրանքանիշի 110-ամյակի կապակցությամբ։ 1,585 լիտրանոց շարժիչով և բենզինի բաքի վրա Հռոմի պապի ինքնագրով մոդելը աճուրդում վաճառվել է ռեկորդային 241,500 եվրոյով:
Հռոմի պապ Ֆրանցիսկոսը գառին դրել է ուսերին:
Հռոմի պապն աբորտների դեմ պայքարի մասին. «Սա պայքար է մարդկային կյանքի վրա հարձակումների դեմ, մահվան մշակույթի տարածման դեմ: Այս ճակատամարտը, իհարկե, անձնազոհություն է պահանջում»:
Հռոմի Պապ Ֆրանցիսկոսը CNN-ի եթերում խոստովանել էր, որ երիտասարդ տարիներին աշխատել է Արգենտինայի գիշերային ակումբներից մեկում, նաև կես դրույքով աշխատել է որպես հավաքարար և փորձեր է անցկացրել քիմիական լաբորատորիայում։
2016 թվականի հուլիսին Հռոմի Պապ Ֆրանցիսկոսն ընկել էր Լեհաստանի Չեստոխովա քաղաքում պատարագի ժամանակ։ Նա բացատրել էր իր ընկնելը նրանով, որ իրեն չափազանց շեղել է Սուրծ Աստվածածնի կերպարը։ Ավելի վաղ Հռոմի Ֆրանցիսկոս պապը հայտարարել էր առողջական խնդիրների պատճառով իր հնարավոր հրաժարականի մասին։ Նա ասել էր, որ 2013 թվականին իր նախորդ Բենեդիկտոս 16-րդի գահից հրաժարվելը սովորական պրակտիկա էր:
Հռոմի պապ Ֆրանցիսկոսը չէր հերքում Դարվինի տեսությունը. «Բնության մեջ էվոլյուցիան չի հակասում արարչագործության տեսությանը, քանի որ էվոլյուցիան պահանջում է կենդանի էակներ, որոնք պետք է զարգանան»:
2014 թվականի նոյեմբերին Ստրասբուրգում Եվրախորհրդարանում իր ելույթում Հռոմի պապն ասել էր, որ Եվրոպան տառապում է միայնությունից։ Պոնտիֆիկոսի խոսքով, տարեցներից բացի, միայնակությունից տառապում են նաև երիտասարդներն ու մարդիկ, ովքեր չեն կարողացել իրականացնել իրենց ծրագրերը։ Ինքը՝ Եվրոպան, «ծերացել է», եզրափակել էր պոնտիֆիկոսը:
2015 թվականի հունվարին Հռոմի պապն այցելել էր Մանիլա (Ֆիլիպիններ), որտեղ նրա հետ պատարագին մասնակցել էր ավելի քան 6 միլիոն մարդ։ Միջոցառումը ռեկորդային դարձավ ոչ միայն 80 միլիոն կաթոլիկ ունեցող երկրի, այլև ամբողջ աշխարհի համար։
2016 թվականի փետրվարի 12-ին Հավանայում (Կուբա) Հռոմի պապ Ֆրանցիսկոսը հանդիպել է Մոսկվայի և Համայն Ռուսիո պատրիարք Կիրիլի հետ։ Այս մակարդակի հանդիպումն առաջինն էր երկու եկեղեցիների պատմության մեջ։
2018 թվականին Պոնտիֆիկոսը Forbes ամսագրի կողմից զբաղեցրել է վեցերորդ տեղը աշխարհի ամենաազդեցիկ մարդկանց շարքում։
Հռոմի պապ Ֆրանցիսկոսը խոստովանություն է լսում Սանտա Մարիա դելի Անջելի տաճարում։
2020 թվականի մարտին, համավարակի գագաթնակետին, Հռոմի պապ Ֆրանցիսկոսն իր շաբաթական աղոթքն արտասանեց Վատիկանի Առաքելական պալատի պատուհանից։ Միջոցառումը, որը սովորաբար հրավիրում է մինչև 40,000 մարդ Սուրբ Պետրոսի հրապարակ, առաջին անգամ հեռարձակվեց առցանց։
2023 թվականի մարտի 13-ին պոնտիֆիկոսը ձայնագրեց իր առաջին փոդքաստը՝ Popecast՝ ի պատիվ պապական գահին իր ընտրվելու 10-ամյակի։
2023 թվականի փետրվարին պոնտիֆիկոսը վեցօրյա հովվական այց կատարեց Աֆրիկա, որտեղ ամենաարագ աճող կաթոլիկ համայնքն է։ Սուդանում գտնվելու ժամանակ նա դիմել էր հակամարտող կողմերին՝ դադարեցնելու տարաձայնությունն ու թշնամանքը։
2022 թվականի դեկտեմբերին հայտնի դարձավ, որ Հռոմի պապ Ֆրանցիսկոսը փաստաթուղթ է ստորագրել գահից հրաժարվելու մասին՝ առողջության լուրջ վատթարացման դեպքում։ Ավելի վաղ նա հայտարարել էր, որ պատրաստ է ցանկացած պահի լքել գահը. «Սա աղետ չէ, Պապին կարելի է փոխել, խնդիր չկա»։
Կաթոլիկ եկեղեցու առաջնորդը պարբերաբար հայտարարություններ էր անում Ուկրաինայի հակամարտության վերաբերյալ։ 2022-2024 թվականներին Վատիկանը բազմիցս հայտարարել է Մոսկվայի և Կիևի միջև բանակցություններում միջնորդ դառնալու իր պատրաստակամության մասին:
