ԱՄՆ-ն կարող է խնդրել Թուրքիային չխոչընդոտել Սիրիայի օդային տարածքի օգտագործմանը Իրանի հետ հակամարտության դեպքում և չեզոքություն պահպանել: Այս մասին հայտնել է Hürriyet թերթը՝ հղում անելով իր աղբյուրներին, փոխանցում է Ria Novosti-ն:
«Եթե ԱՄՆ-ի և Իրանի միջև բանակցությունները հաջողությամբ չավարտվեն, ապա Իրանը կդառնա Թրամփի օրակարգի կետերից մեկը։ Էրդողանը, իհարկե, դեմ է Իրանի վրա Իսրայելի հարձակմանը։ Նա դա վտանգավոր է համարում տարածաշրջանի համար։ Սակայն Թուրքիային կարող են խնդրել չեզոքություն պահպանել այս պատերազմում և չխոչընդոտել Սիրիայի օդային տարածքի օգտագործմանը», — գրում է պարբերականը։
