Ուզբեկստանի Ֆերգանայի շրջանում տղամարդը 16 տարվա ազատազրկման է դատապարտվել կնոջ սպանության համար. նա երազում տեսել է, թե իբր կինն իրեն դավաճանում է: Ամուսինը 04:30-ին պուժապահար արթնացել է և սպանել կնոջը: Ընդհանուր առմամբ, զոհին, որը քնած է եղել, հասցվել է դանակի 13 հարված, հայտնում է uzdaily.uz կայքը:
Միայն գիտակցելուց հետո, որ դավաճանությունն ընդամենն իր երեւակայության արդյունքն է, տղամարդը շտապօգնություն է կանչել։ Սակայն կնոջը փրկել չի հաջողվել. նա ստացած վնասվածքներից մահացել է։ Ամուսինը բացատրել է, որ նման երազից հետո չի կարողացել իրեն կառավարել:
Ինչպես պարզվել է դատավարության ընթացքում, երեք երեխաներին մեծացնող զույգը նախկինում ունեցել է անվստահության հիմքով կոնֆլիկտներ և կասկածներ։ Դատարանը տղամարդուն մեղավոր է ճանաչել Ուզբեկստանի Հանրապետության քրեական օրենսգրքի 97-րդ հոդվածով դիտավորյալ սպանության համար և դատապարտել 16 տարվա ազատազրկման։
