Ընդդիմությունը, ով որ այդպիսի բան է ասում, սուտասան է, որովհետև նախ սուտասան է Իշխան Սաղաթելյանը և ոչ միայն սուտասան է, ես ձեզ ասեմ հետևյալը, նախ նման հոդված քրեական օրենսգրքում վաղուց կա։ Այս մասին լրագրողների հետ զրույցում ասաց ԱԺ նախագահ Ալեն Սիմոնյանը՝ անդրադառնալով լրագրողի այն հարցին, թե ընդդիմությունն առաջարկում էր բերել ցեղասպանությունը ժխտող օրենքի նախագիծ, դրանից հետո սկսվել է այդ միջադեպը:
Ես չգիտեմ, ես չեմ կարծում, որ սա կռվելու տեղ է կամ կռվի հետ կապված գլուխ գովալու տեղ է, այդ ի՞նչ պահվածք է, ուզում եմ հասկանամ, էլ չեմ ասում, գալիս կնոպկան սեղմում, փախնում են դահլիճից, գալիս են, մի հատ էլ գոռում են, մտածում են՝ պատասխան չեն ստանալու, իսկ այս ամեն ինչն արվում է նրա համար, որպեսզի վաղվա միջոցառմանն ավելի շատ մարդ գնա, հետո դրսից շատ այլ դաշնակցական ընկերներ են եկել, պետք է աշխատանք ցուցադրվի, պետք է ցույց տրվի, թե իրավիճակն ինչ լարված է, ասաց Աժ նախագահ Ալեն Սիմոնյանը՝ անդրադառնալով այսօրվա Աժ նիստերի դահլիճում տեղի ունեցած վիճաբանությանը:
Սիմոնյանի խոսքով՝ մարդիկ շատ վաղուց այս ամենից հասկացել են ու զզվում են իրենցից, զզվում են այդ ստերից. «Ազգային ժողովի նիստերը շատ լավ տեղի են ունենում, և ընդդիմության ամբողջ նպատակն իրենց գոյությունը դահլիճում արդարացնելն է: Անվստահության նախագիծ չէին բերել, բերել էին հայտարարության տեքստ:
«Իրենք ոչ թե չեն ուզում մենք գնանք, իրենք չեն ուզում իշխանություն վերցնեն, որովհետև իրենք գիտակցում են, որ իրենք դա չեն կարող անել, նախ չեն ընտրվի, իրենք գիտեն, այս հիմա այս իրար մեջ այդ չակերտավոր գզվրտոցը: Օրվա մեջ կարող է լինի երկու անգամ գրանցում, դահլիճում չլինեն, հենց ասում եմ՝ գրանցում է, բայց դուրս են գալիս: Լավ, ուզում եմ հասկանալ, բայց սկզբունքայնություն պետք է լինի, թե չէ, պետք է լինի։ Անընդհատ ասում են՝ հիմա մենք դուրս ենք գալիս փողոցային պայքարի, հիմա մենք վերադառնում ենք դահլիճ մեր սեփական օրակարգով, հիմա մենք մասնակցում ենք ընտրություններին, նիստերին, բայց դահլիճում չենք լինում, լավ, գալիս ենք, բայց հարց ու պատասխանին չենք գալիս, բայց չէ այս այս ի՞նչ է: Հիմա որ գնան ընտրությունների, նոր ընտրությունների ժամանակ, գնալու են, ասելու են մեզ ընտրեք, բայց մենք դահլիճ չենք գնալու, եթե ընդիմություն լինի։ Մեր խնդիրն այն է, որ մենք նորմալ ընդդիմություն չունենք, որովհետև իշխանությունը, որը որ նորմալ ընդդիմություն չունի, պրոբլեմ է, վատ է, այդ լճացում է, այդ լճացում է և դա պրոբլեմներ է առաջացնում հենց իշխանության ներսում», -ասաց Սիմոնյանը:
