Այն որ երեխային հայհոյանք են սովորեցնում, հարգելի գործընկերներ, դա բռնություն է, դա գենդերային խտրականություն է, դա կարծրատիպերի որոշակի պարտադրանք է, և մեր երկրում կա այդպիսի երևույթ, որ պիտի սև շոր հագնես, ծիծակ կոշիկ հագնես և այլն, որովհետև դրանից դուրս արդեն կասեն այս ինչի է այսպես, որը բարեբախտաբար փոխվում է միայն կրթության շնորհիվ, դա հաղթահարելու ուրիշ ճանապարհ չկա: Այս մասին կառավարության նիստում ասաց վարչապետ Նիկոլ Փաշինյանը:
«Կան կարծրատիպեր, որ կանանց չեն թողնում հանրային ակտիվություն ցուցաբերել և այլն և այլն, նույն կերպ կան կարծրատիպեր, որ քառակուսիից դուրս մտածել չի կարելի տղաներին։ Որովհետև ճիշտը մի հատ է, պետք է այդ ճշտի մեջ մտնել, հենց որ ճշտից դուրս եկար, ուրեմն դու սխալ ես մտածում: Հայաստանի Հանրապետությունում տղամարդու համար ավել բռնելը ամոթ է։ Խնդիրը ավելի ու տղամարդու մասին չի, խնդիրը միջավայրի մասին է։ Աղբի մեջ ապրելն ամոթ չի, աղբը հավաքելը տղամարդու կողմից կարող է և ամոթ լինի։ Կարող է նաև մահացու մեղքը լինի։ Հետո ասում են բա բանակում այդ ո՞նց եղավ, ո՞նց եղավ, այդպես եղավ, այդպես եղավ, որ 15-րդ բառը հայհոյանքն է, 30-րդ բառը ուրիշից ինչ-որ բան խլելու կուլտուրան է: Հետո բա ո՞նց եղավ։ Հենց այդպես եղավ, ժողովուրդ ջան։ Ես դրա համար եմ ասում և այդ այս թեմաների հետ մենք ինչքան հրապարակային այդքան չենք աշխատում, բայց ոչ հրապարակային, շատ մանրակրկիտ ենք աշխատում», -ասաց Փաշինյանը:
