Զեղծարարի կայքից ընդամենը սքրին եմ արել, որտեղ երևում է որ բանկերի գովազդներն են տարածում, այսինքն իրենք աշխատում են միայն այն բանկերի վրա, որտեղ կա շատ թույլ անվտանգության համակարգ: Տարիներով նույն մեխանիզմներով իրենք զեղծարարությունները անում են: Մուտք է լինում այլ սարքից, որն արձանագրվում է բանկի կողմից, հետո ձևակերպում է մեծ վարկ և անմիջապես գումարի ելք ու բանկը տարիներով տեսնելով, որ նույն մեխանիզմով են աշխատում զեղծարարները ոչ մի միջոց չի կարողանում դրա դեմ առնել: Այս մասին լրագրողների հետ զրույցում ասացին բողոքի ակղի իրականացնող քաղաքացիները, ովքեր զեղծարարության զոհ են դարձել:
Բողոքի ակցիա իրականացնող քաղաքացու խոսքով՝ իմնականում երեք բանկերում են ավելի շատ զեղծարարության դեպքերը.
«Ես մտնում եմ Ինեկո բանկի օֆիցիալ կայք, փորձել եմ իմ օնլայն բանկինգը մտնել ու Ինեկո բանկը գրված էր ք տառով, սի-ի փոխարեն, կներեք մի տառի փոփոխությունը, այո, չեմ էլ նկատել։ Բանկերը քաղաքացիների վրա են նաև դնում պատասխանատվություն, լինել ավելի ուշադիր, որովհետև ասում են մենք վերահսկողական գործիքակազմը կիրառում ենք: Հենց կենտրոնական բանկի նախագահից անձամբ հետաքրքրվել եմ այս հանցագործությունների մասով, ասել է համատեղ անվտանգային խնդիրները քննարկվում են և փորձում են վերահսկել իր վիճակը», -ասաց քաղաքացին:
Նրանց խոսքով՝ կայքերի լինքերը նկարներով ուղարկել են բանկերին որպեսզի իրենք կարողանան բլոկավորեն այս կայքերը, չկարողանան գովազդ տարածել, սակայն մինչև հիմա այս կայքերն ակտիվ գործում են։
«Իրենք ասացին, եթե ուզում եք մենք տոկոսները կանգնացնենք, եկեք այստեղ պայմանագիր կնքեք, որ դուք պարտավորվում եք այդ գողացված գումարը հետ վերադարձնել, գողացել են միլիոն 900 հազար դրամ, այսինքն միլիոն 900 հազարի համար ես պիտի գնայի տեղում ստորագրեի արդեն ֆիզիկապես, որ ես պարտավորվում եմ դա վճարել», — ասացին ակցիայի մասնակիցները:
