Արթուր Չախոյանն ազատ արձակվեց ապօրինի ձերբակալումից, հայտնել է փաստաբան Վահե Եփրիկյանը։
«Նա կշարունակի հոսպիտալացված մնալ «Սուրբ Գրիգոր Լուսավորիչ» բուժկենտրոնում։
Ակնկալում եմ քննչական մարմնից խոշտանգման, մարմնական վնասվածքներ պատճառելու ու խուլիգանության հանցակազմերով պատշաճ քննություն, համապատասխան քրեաիրավական գնահատական` ի դեմս Նոր Նորքի թաղապետի ու նրա առերևույթ հանցակիցների։
Եթե հանուն դեմոկրատական պաթոսի` առերևույթ հանցագործ թաղապետը մինչևիսկ պաշտոնանկ արվի, միևնույն է, պետք է ենթարկվի քրեական պատասխանատվության, ինչին հաստատապես հետամուտ ենք լինելու»,- հայտարարել է փաստաբանը։
Հիշեցնենք՝ Նոր Նորք վարչական շրջանի ղեկավար Տիգրան Տեր-Մարգարյանը և թաղապետարանի աշխատակիցները ծեծի են ենթարկել ակտիվիստ Արթուր Չախոյանին:
Չախոյանը բերման է ենթարկվել, այնուհետև տեղափոխվել հիվանդանոց։
