Հարավային Կորեայի նախագահի պաշտոնակատար, վարչապետ Հան Դեոկ Սուն հայտարարել է իր հրաժարականի մասին։ Այս մասին հայտնել է Yonhap գործակալությունը։
Որոշումը կայացվել է հունիսի 3-ին կայանալիք նախագահական ընտրություններից առաջ։ Ենթադրվում է, որ Հան Դեոկ Սուն պատրաստվում է առաջադրվել առաջիկա ընտրություններում։
Մինչդեռ, Կորեայի Հանրապետության Գերագույն դատարանը որոշում է կայացրել Լի Ջե Մյունգի գործով, ով համարվում էր առաջիկա նախագահական ընտրությունների ֆավորիտը։ Դատարանը մերժել է Լի Ջե-մյունգի արդարացման դատավճիռը, ինչը կարող էր վտանգել նրա՝ նախագահի պաշտոնում առաջադրվելու իրավունքը։
2024 թվականի դեկտեմբերի սկզբին Յունը ազգին ուղղված արտակարգ ուղերձում ռազմական դրություն հայտարարեց՝ դա բացատրելով «անսկզբունքային հյուսիսկորեամետ հակապետական ուժերին»՝ ընդդիմադիր «Տոբուրո դեմոկրատական կուսակցությանը» հետ մղելու անհրաժեշտությամբ, որը պաշտպանում է ԿԺԴՀ-ի հետ երկխոսությունը։
Ռազմական դրության ժամանակ քաղաքական գործունեությունը, այդ թվում՝ խորհրդարանական աշխատանքը, արգելվում է։ Սակայն, մինչև զինվորականների ժամանումը, նախագահի հրամանագիրը չեղյալ համարելու օգտին քվեարկեց 190 պատգամավոր։ Յունը ստիպված եղավ ենթարկվել և դեկտեմբերի 4-ի առավոտյան վերացրեց ռազմական դրությունը։
Նույն օրը ընդդիմությունը նախաձեռնեց նախագահի իմպիչմենտը։ 2025 թվականի ապրիլի սկզբին Հարավային Կորեայի Սահմանադրական դատարանը հաստատեց Հանրապետության նախագահի իմպիչմենտը։
Նախագահ նշանակվեց պաշտոնակատար Հան Դուկ Սուն։ Հարավային Կորեայում արտահերթ նախագահական ընտրությունները կկայանան 2025 թվականի հունիսի 3-ին։
