Ադրբեջանի և Հայաստանի միջև զինված հակամարտության իրական ռիսկ կա, և Միացյալ Նահանգները փորձում է կանխել այն, հայտարարել է ԱՄՆ պետքարտուղար Մարկո Ռուբիոն։
«Մեր հիմնական նպատակն է փորձել ապահովել խաղաղություն Ադրբեջանի և Հայաստանի միջև։ Այնտեղ կա հակամարտության իրական ռիսկ, որը մենք փորձում ենք կանխել», — ասել է նա Ներկայացուցիչների պալատի արտաքին հարաբերությունների հանձնաժողովի լսումների ժամանակ։
Ռուբիոն հավելել է, որ Վաշինգտոնը նաև զբաղվում է Ադրբեջանում բանտարկյալների և մարդու իրավունքների հետ կապված հարցերով։
«Ճշմարտությունն այն է, որ մենք ստիպված ենք գործ ունենալ այն երկրների հետ, որոնք շատ դեպքերում չունեն կատարյալ մոդել։ Սակայն մենք պետք է նրանց հետ շփվենք մեր ազգային շահերից ելնելով, և պետք է հավասարակշռենք այդ ամենը` ազգային շահերը և դիվանագիտությունը», — ասել է պետքարտուղարը։
