Մոտ 57,675 քաղաքացի լրացրել են հայտարարագիրը: Բավական հետաքրքիր դինամիկա կա ու մարդիկ աստիճանաբար սովորում են, հասկանում են դրա կարևորությունը և նաև շահագրգռված են, որպեսզի այդ թափանցիկությունը պետության հետ ունենան, միաժամանակ նաև այդ սոցիալական կրեդիտներից օգտվեն ու իրենց և իրենց ընտանիքի կրթության ու մարդկային կապիտալի մեջ ներդրում անեն, ինչ վերաբերվում է քրեական վարույթների տեսանկյունից, ապա այս հարցը իհարկե քննարկել ենք: Այս մասին ասուլիսի ժամանակ ասել է ՊԵԿ նախագահ Էդուարդ Հակոբյանը՝ պատասխանելով հետևյալ հարցին, թե արդյո՞ք քրեական վարույթով կանցնեն այն քաղաքացիները, ովքեր մինչև նոյեմբերի մեկը չեն ներկայացրել իրենց հայտարարագիրը:
«Իհարկե պետական եկամուտների կոմիտեն չէ այն կառույցը, որն այս հարցին պիտի պատասխանի, բայց մեր մասնագետների հետ քննարկումների արդյունքում, մեր մասնագետների դիտարկմամբ նման խնդիր չի առաջանում, բայց կարծում եմ՝ վերջնական պատասխան ճիշտ կլինի ակնկալել համապատասխան մարմիններից, ովքեր որ այդ քրեական հարցերով են զբաղվում, բայց ես մեր մասով կարող եմ ասել, որ մեր մասնագետների հետ քննարկումների արդյունքում կարծում ենք, որ ոչ», -նշել է նա:
