ՕՊԵԿ+-ի 8 երկրներ, այդ թվում՝ Ռուսաստանը և Սաուդյան Արաբիան, շաբաթ օրը պայմանավորվել են ավելացնել նավթի արդյունահանումը հուլիսին օրական ևս 411 հազար բարելով, ասվում է ՕՊԵԿ-ի կայքում տեղադրված հաղորդագրության մեջ։ Այս մասին հայտնում է Reuters-ը։
Ութ երկրների խումբը նախապես պայմանավորվել էր մայիս-հունիս ամիսների նույն ծավալի աճի մասին։
ՕՊԵԿ+ մոնիտորինգի կոմիտեի հաջորդ նիստը նախատեսված է հուլիսի 6-ին: Շաբաթ օրը երկրները նշել են նավթի համաշխարհային պաշարների կրճատումը որպես շուկայի վերականգնման և բարենպաստ տնտեսական զարգացման կանխատեսումների ցուցանիշ:
Այսպիսով, Սաուդյան Արաբիան, Ռուսաստանը, Իրաքը, ԱՄԷ-ն, Ղազախստանը, Օմանը և Ալժիրն ապրիլ-հուլիս ամիսներին շուկա կվերադարձնեն օրական մոտ 1,4 մլն բարել նավթ՝ օրական 2,2 մլն բարելով ընդհանուր կամավոր կրճատումից, որն այս երկրներն իրականացրել են 2023 թվականին՝ շուկան կայունացնելու համար։
