ՀՀ-ում մի բան կա, որը պետք է շտապ ազգայնացնել, դա վարչապետի աթոռն է: Այս մասին ԱԺ-ում ՀԷՑ-ի պետականացման նախագծի քննարկման ժամանակ հայտարարեց «Պատիվ ունեմ» խմբակցության ղեկավար Հայկ Մամիջանյանը:
Նա, ցույց տալով նիստերի դահլիճի այն հատվածը, որտեղ նստած են ՔՊ խմբակցության պատգամավորները, նշեց, որ դահլիճի այդ հատվածի հետ չի խոսելու, որովհետև՝ իմաստ չունի:
«Նրանք անգամ չեն հասկանում, որ իրենց փուռն են տալիս. ինքնապաշտպանական բնազդ, սթափ բանականություն, ամեն ինչն արդեն ստորադասվում է Փաշինյանի կամքին, բայց դա դեռ ոչինչ, ձեզ էլ կազատագրենք:
Մինչ օրս վերջին շրջանում էլեկտրաէներգիան թանկացել է 4 ու քանի դրամով, դրա մեջ ՀԷՑ-ի մասնաբաժինը զրո է: Այսինքն, այն, որ հիմա մենք բոլորս էլեկտրաէներգիայի համար վճարում ենք 4 ու քանի դրամ թանկ, դրա մեջ ՀԷՑ-ի մեղքը զրո է»,- ասաց նա:
Ըստ պատգամավորի՝ աշխարհում շատ քիչ երկրներ կան, որտեղ ՀԷՑ-ը կամ նմանօրինակ կառույցներն ազգայնականացվում են, բոլոր այդ տեղերում թանկացում է տեղի ունեցել, անխտիր: «Որտեղ ազգայնացվել է, թանկացում է եղել: Բնականաբար, ձեզ ձեռ է տալիս, որ ՀՀ-ն և Փաշինյանը աշխարհում հանդես են գալիս որպես եկեղեցու դեմ պայքարողներ, կաթողիկոսին բարեմասնություններ ցույց տվողներ, դրանով եք հայտնվել միջազգային մամուլում, Էջմիածնի վրա հարձակվողներ, եկեղեցուն պաշտպանող Սամվել Կարապետյանին բանտարկողներ ու այսպես շարունակ:
Վերջում երկու միտք. միտք համար մեկ՝ սիրելի՛ քաղաքացիներ, նույնիսկ ֆեյսբուքը համարում է, որ Նիկոլ Փաշինյանն իրավունք չունի լինել ֆեյսբուքյան օգտատեր ու բլոկում է իր գրածները, իսկ մենք իրեն հանդուրժում ենք ՀՀ վարչապետի պաշտոնին: Երկրորդը՝ լավ հիշեք, ՀՀ-ում կա մի բան, որը պետք է շտապ ազատ ազգայնացնել, դա վարչապետի աթոռն է»,- ասաց նա:
