Կոռուպցիայի կանխարգելման հանձնաժողով ներկայացրած «Հանրային պաշտոն զբաղեցնող անձի կամ հանրային ծառայողների նվերների հաշվառման ձևաթղթի» համաձայն՝ 2025 թվականի հունիսի 26-ին ԱԳ նախարար Արարատ Միրզոյանը նոր նվեր է հայտարարագրել:
Միրզոյանը նվերը ստացել է Չինաստանի Ժողովրդական Հանրապետության ԱԳ նախարար Վան Յիից Չինաստան կատարած այցի ժամանակ: Այս մասին Tert.am-ը տեղեկանում է Կոռուպցիայի կանխարգելման հանձնաժողով ներկայացրած «Հանրային պաշտոն զբաղեցնող անձի կամ հանրային ծառայողների նվերների հաշվառման ձևաթղթից»:
Միրզոյանը չինացի գործընկերոջից նվեր է ստացել սպասք՝ թեյի բաժակներ և ափսեներ` 44, 822 դրամ արժողությամբ:
Հայտարարագրում նշված է, որ գինը որոշելու համար օգտագործվել է նվերին կից տրամադրված գրքույկում նշված QR կոդը, որն ուղղորդում է դեպի Dunhuang Nine-Colored Sacred Deer Cultural Industry Co., Ltd կայքէջ, որտեղ նվերի արժեքը նշված է 840 չինական յուան, որը 2025 թվականի հունիսի դրությամբ համարժեք է 44,822 ՀՀ դրամի:
