SHAMSHYAN.com-ի տեղեկություններով՝ հուլիսի 4-ին վիճաբանություն է տեղի ունեցել Երևանում։ Ժամը 12։55-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Մաշտոցի բաժնում օպերատիվ տեղեկություն է ստացվել, որ «Շանթ» ռեստորանի մոտ վիճաբանություն է տեղի ունեցել, ինչի հետևանքով տղամարդը «ձախ հոնքային շրջանի և ձախ հետականջային շրջանի պատռած վերքեր» ախտորոշմամբ տեղափոխվել է «Արմենիա» բժշկական կենտրոն։
Ինչպես հայտնում է ֆոտոլրագրող Գագիկ Շամշյանը, ոստիկանության Մաշտոցի բաժնի ծառայողները պարզել են, որ նույն օրը՝ ժամը 12։40-ի սահմաններում, Ջանիբեկյան փողոցի 2 հասցեի մոտ Երևանի բնակիչ 51-ամյա Մհեր Մ․-ն մեքենայով ջուր թռցնելու համար վիճաբանել է Երևանի բնակիչ 47-ամյա Յուրի Բ․-ի հետ, որի ընթացքում վերջինս մի քանի անգամ ձեռքով հարվածել է Մհեր Մ․-ի դեմքին՝ պատճառելով վնասվածքեր և հեռացել։
Դեպքի փաստով ոստիկանության Մաշտոցի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին։
