Վրաստանն արտաքսել է ապօրինի ներգաղթյալների, այդ թվում՝ ՀՀ քաղաքացիների

Վրաստանում շարունակվում է պայքարը ապօրինի միգրանտների դեմ: Երկրի Ներքին գործերի նախարարության տեղեկությամբ՝ վերջին օրերին երկրից արտաքսվել է ևս 25 արտասահմանցի քաղաքացի։

Վտարվածները եղել են Եգիպտոսի, Թուրքիայի, Հնդկաստանի, Հորդանանի, Իրանի, Նիգերիայի, Պակիստանի, Ռուսաստանի, Հայաստանի և Չինաստանի քաղաքացիներ, գրում է Սպուտնիկ գործակալության վրացական ծառայությունը։

Ըստ գործող օրենսդրության՝ վտարված անձանց արգելվում է կրկին մուտք գործել Վրաստան, նշված է պաշտոնական հաղորդագրության մեջ։