Գրիգորի Լեպսի 19-ամյա հարսնացուն՝ Ավրորա Կիբան, որի ֆինանսական վիճակը վերջերս քննարկվում է համացանցում, խոսել է իր փեսացուի հետ առանձին բյուջեի մասին։
«Ես ուրիշի հաշվին չեմ ապրում։ Այո՛, նա ինձ փչացնում է, բայց մենք առանձին բյուջե ունենք։ Կարծում եմ, որ երբ նա դառնա իմ ամուսինը, ես, հավանաբար, կկարողանամ ապրել նրա հաշվին։ Ես նրան շատ թանկարժեք սպասքի հավաքածու եմ նվիրել, նա դա շատ է սիրում։ Տղամարդու համար նվեր միանգամից չես կարող ընտրել, կանայք հասկանում են՝ մենք բոլորս նույն բանն ենք ուզում։ Բայց տղամարդու համար դժվար է ինչ-որ բան գտնել։ Իսկ Գրիշան ունի իր սեփական հոբբիները, իրեր, որոնք նա հավաքում է։ Իհարկե, ես նրան նկար կամ սրբապատկեր չեմ նվիրի՝ դա շատ թանկ է», — ասել է Կիբան StarHit-ին տված հարցազրույցի ժամանակ:
Նա կրկին արձագանքել է Վիկտորիա Բոնյայի խոսքերին՝ իր ընտանիքի մեծ պարտքերի մասին. «Ես վաղուց եմ արձագանքել Վիկտորիա Բոնյայի հայտարարությանը, որը եկել էր շոու և որոշել էր, կոպիտ ասած՝ ցուցադրվել։ Պարզապես Վիկտորիա Բոնյան շատ լավ է ճանաչում մորս, և երբ մայրս ամուսնացավ հորս հետ, նա արգելեց նրան շփվել Վիկտորիա Բոնյայի հետ։ Դրա համար էլ նա վիրավորվեց։ Մենք պարտքեր չունեինք, դա իսկապես զվարճալի է։ Հայրս երբեք սնանկ չի եղել»։
Ավելի վաղ համացանցում քննարկվում էր Ավրորա Կիբայի ընտանիքի ֆինանսական վիճակը։ Ըստ լուրերի՝ Ավրորայի մայրը բիզնես ունի, որը նրան տարեկան մոտ 32 միլիոն ռուբլի զուտ շահույթ է բերում։ Բացի այդ, Կիբայի ընտանիքն ունի 3 միլիարդ ռուբլու արժողությամբ անշարժ գույք, ինչպես նաև Իտալիայում առանձնատուն։ 63-ամյա Լեպսը նույնպես մի քանի բիզնես ունի, բայց դրանց մեծ մասը անշահավետ է։ Նա նաև պարտքերի մեջ է ընկել և իր գումարի մեծ մասը ծախսում է հարսնացուի վրա, այդ պատճառով նրանք նույնիսկ ստիպված էին հետաձգել հարսանիքը, որը պետք է տեղի ունենար այս ամռանը։
Հիշեցնենք, որ Գրիգորի Լեպսի և Ավրորա Կիբայի սիրավեպի մասին հայտնի դարձավ անցյալ տարի, երբ զույգը միասին հայտնվեց Muz-TV մրցանակաբաշխության ժամանակ։ Դրանից հետո նրանց քննադատեցին առցանց՝ տարիքային մեծ տարբերության պատճառով։ Շատերը նաև ենթադրեցին, որ նրանց հարաբերությունները կարող են PR գործ լինել։ Սակայն Լեպսը հերքում է այդ լուրերը՝ պնդելով, որ երջանիկ է իր հարսնացուի հետ և ցանկանում է երեխաներ ունենալ նրանից։ Ավրորան ինքը մասնակցում է իր փեսացուի համերգներին և նրա հետ ճամփորդությունների է գնում։ Վերջերս նա կիսվեց, որ 10 տարի հետո իրեն տեսնում է որպես երկու երեխաների մայր։
