Վրաստանի իշխանությունները պատրաստ չեն ուժի չկիրառման մասին համաձայնագիր ստորագրել Աբխազիայի և Հարավային Օսիայի հետ, քանի որ հանրապետությունն առանց այդ էլ հայտարարել է, որ տարածքային ամբողջականության վերականգնման միակ ելքը խաղաղ ճանապարհն է։ Այս մասին լրագրողներին հայտնել Է Վրաստանի վարչապետ Իրակլի Կոբախիձեն, փոխանցում է ՏԱՍՍ-ը:
«Իհարկե, մենք պատրաստ չենք չհարձակման մասին պայմանագրի ստորագրմանը: Սա մեզ համար լուրջ չէ, ինչ վերաբերում է չհարձակմանը:
Մենք հայտարարում ենք մեկ պարզ բան. տարածքային ամբողջականությունը վերականգնելու միակ ճանապարհը խաղաղ ճանապարհն է:
Մենք սա հայտարարում ենք, և որևէ փաստաթղթի կամ համաձայնագրի մասին խոսք լինել չի կարող»,-ասել է Կոբախիձեն:
