Չինաստանի ղեկավար Սի Ծինփինը և ՌԴ նախագահ Վլադիմիր Պուտինը հեռախոսազրույց են անցկացրել, հայտնում է ՏԱՍՍ գործակալությունը՝ առանց մանրամասներ հաղորդելու:
Չինաստանն ուրախ է, որ Ռուսաստանը և ԱՄՆ-ն պահպանում են կապերը և բարելավում հարաբերությունները, ասել է Չինաստանի ղեկավարը:
Խոսելով ուկրաինական ճգնաժամի մասին՝ նա նշել է, որ բարդ խնդիրների համար պարզ լուծումներ չկան, և Չինաստանը կշարունակի աջակցել խաղաղությանն ու բանակցություններին։
Նշենք, որ սա ընթացիկ օրում Պուտինի՝ օտարերկրյա առաջնորդների հետ արդենն երրորդ զրույցն է: Ավելի վաղ նա զրուցել է Ուզբեկստանի և Ղազախստանի նախագահների հետ՝ ներկայացնելով նախօրեին Կրեմլում ԱՄՆ նախագահ Դոնալդ Թրամփի հատուկ դեսպանորդ Սթիվեն Ուիթքոֆի հետ բանակցությունների մանրամասները:
