Մերցի կուսակցությունը քննադատել է նրան Իսրայելին առնչվող որոշման համար

Գերմանիայի Բունդեսթագում Քրիստոնեա-դեմոկրատական միության և Քրիստոնեա-սոցիալական միության խմբակցության արտաքին քաղաքականության հարցերով աշխատանքային խումբն օգոստոսի 10-ին կանցկացնի արտակարգ նիստ՝ կապված Գերմանիայի կողմից Իսրայելին զենքի մատակարարումները դադարեցնելու որոշման հետ։ Այս մասին հաղորդում է «Արմենպրես»-ը։

«Վերոնշյալ աշխատանքային խմբում ընդգրկված 14 պատգամավորները գտնվում են ամառային արձակուրդում, սակայն կապի մեջ կլինեն տեսակոնֆերանսի միջոցով։ Հանդիպմանը կմասնակցի նաև Գերմանիայի կանցլեր Ֆրիդրիխ Մերցի արտաքին քաղաքականության հարցերով խորհրդական Գյունտեր Զաուտերը»,- նշված է հաղորդագրության մեջ։

Ավելի վաղ մի քանի հանրահայտ քրիստոնեադեմոկրատներ կտրուկ կերպով արտահայտվել էին Իսրայելին գերմանական զենքի մատակարարումը դադարեցնելու՝ Մերցի որոշման դեմ՝ այդ քայլը որակելով Գերմանիայի կողմից կատարված կոպիտ քաղաքական և ռազմավարական սխալ։