Ուկրաինայի նախագահ Վլադիմիր Զելենսկու ինքնաթիռը վայրէջք է կատարել Գերմանիայի մայրաքաղաք Բեռլինում, հաղորդում է Der Spiegel-ը։
Ավելի վաղ Գերմանիայի կառավարությունը հայտարարել էր, որ Զելենսկին կմասնակցի եվրոպացի առաջնորդների տեսակոնֆերանսին ԱՄՆ նախագահ Դոնալդ Թրամփի հետ՝ օգոստոսի 15-ին Ալյասկայում Ռուսաստանի նախագահ Վլադիմիր Պուտինի հետ նրա բանակցություններից առաջ։
Թրամփի հետ զրույցը նախաձեռնել է Գերմանիայի կանցլեր Ֆրիդրիխ Մերցը։ Զելենսկուց, Թրամփից և Մերցից բացի, տեսակոնֆերանսին կմասնակցեն Մեծ Բրիտանիայի, Իտալիայի, Լեհաստանի, Ֆինլանդիայի և Ֆրանսիայի նախագահներն ու կառավարությունների ղեկավարները, Եվրահանձնաժողովի նախագահ Ուրսուլա ֆոն դեր Լեյենը, ԵՄ խորհրդի նախագահ Անտոնիո Կոստան, ՆԱՏՕ-ի գլխավոր քարտուղար Մարկ Ռյուտեն և ԱՄՆ փոխնախագահ Ջ.Դ. Վենսը։
