Ֆինլանդիայի նախագահ Ալեքսանդր Ստուբը հայտարարել է, որ իր երկրի և Ռուսաստանի միջև հարաբերությունները կարող են վերականգնվել միայն Ուկրաինայում հակամարտության ավարտից հետո։
«Արմենպրես»-ի հաղորդմամբ՝ այս մասին նա հայտարարել է Yle հեռուստաալիքին տված հարցազրույցում։
«Ինչպես միշտ ընդգծել եմ, մենք ոչինչ չենք կարող անել մեր աշխարհագրության հետ կապված։ Մենք պատմություն ունենք Ռուսաստանի հետ, և մենք ապագա կունենանք Ռուսաստանի հետ։ Բայց հիմա, իհարկե, հարաբերությունները շատ դժվար են։ Իրականում, պատերազմի պատճառով դրանք չկան։ Բայց մի օր, երբ պատերազմն ավարտվի, անպայման նոր հարաբերություններ կկառուցվեն»,-ասել է Ֆինլանդիայի նախագահը։
Նա նաև ընդգծել է, որ Ֆինլանդիան Ռուսաստանի հետ կկառուցի նոր հարաբերություններ, որոնք հիմնված կլինեն պրագմատիզմի վրա։
