Մենք` կառավարության անդամներս, կառավարության անդամներ ենք, իսկ վարչապետը վարչապետն է և ղեկավարում է կառավարությունը: Այս մասին լրագրողների հետ զրույցում հայտարարեց արդարադատության նախարար Սրբուհի Գալյանը՝ անդրադառնալով վարչապետ Նիկոլ Փաշինյանի՝ «կառավարությունը ես եմ» հայտարարությանը:
«Սահմանադրական կարգավիճակը կառավարության անդամների և ղեկավարի, ըստ էության հստակ է, այդ առումով մանիպուլյացիաներ մի արեք»,- լրագրողներին ասաց Գալյանը:
Դիտարկմանը՝ Փաշինյանը հստակ ասել է՝ «կառավարությունը ես եմ», Գալյանն ասաց. «Ես էլ եմ կառավարությունն ինչ-որ առումով, մետաֆորիզմ կա այդտեղ, որովհետև ես կառավարության անդամ եմ, կառավարության անդամ են նաև այլ նախարարներ և հավաքական առումով մենք բոլորս, այո՛, կառավարություն ենք»:
Գալյանը նշեց, թե ուղիղ խոսք չի ասել վարչապետը, որ իր խոսքն է գերակա և ոչ ոք իրավունք չունի հակադրվի նրան: «Ես կառավարության անդամ եմ, մենք ունենք քաղաքական թիմ, որ եկել է իշխանության, մեր խոսքը միտքը և գործը մեկ պետք է լինի և վարչապետի ասածը հենց դրա մասին է»,- ասաց նա:
