Քաղաքացիների մեծ մասը բացասական է գնահատում Սյունիքով ճանապարհի տրամադրումը. հարցում

«Գելափի» հայաստանյան գրասենյակի տնօրեն Արման Նավասարդյանը ներկայացրել է վերջին հարցման արդյունքները։

Հարցին՝ «Ինչպե՞ս եք գնահատում Սյունիքով ճանապարհի տրամադրելը», քաղաքացիների 4%-ը պատասխանել է՝ «լիովին դրական», 18․1%-ը՝ «ավելի շուտ դրական», 11․3%-ը՝ «ավելի շուտ բացասական», իսկ 47․6%-ը՝ «ընդհանրապես բացասական», 5․6%-ը դժվարացել է պատասխանել։

«Տեսնում ենք, որ շուրջ 60%-ը բացասական է արձագանքել Սյունիքի տարածքով ճանապարհի տրամադրելու հանգամանքին»,– նշեց Նավասարդյանը։

Հարցին՝ «Վաշինգտոնյան համաձայնագիրը կնպաստի՞ արդյոք երկարաժամկետ խաղաղության հաստատմանը տարածաշրջանում», 15․4%-ը պատասխանել է՝ «միանշանակ այո», 22․8%-ը՝ «ավելի շուտ այո», 13․5%-ը՝ «ավելի շուտ ոչ», իսկ 41․6%-ը՝ «միանշանակ ոչ»։

«Այսինքն, այն թեզին, որ Վաշինգտոնյան համաձայնագիրը կնպաստի խաղաղությանը, հարցվածների գրեթե 55%-ը չի հավատում»,– ասաց Նավասարդյանը։

Մեկ այլ հարցով՝ Ադրբեջանը Սահմանադրության փոփոխությունը նշել է որպես վերջնական խաղաղության պայմանագիր ստորագրելու նախապայման։ Ո՞ր դատողության հետ եք առավել համաձայն», պատասխանները հետևյալն են․

«Սահմանադրության փոփոխությունը Հայաստանի ներքին գործն է, և որևէ երկիր, այդ թվում՝ Ադրբեջանը, իրավունք չունի ազդելու այդ գործընթացի վրա – 58%։

Սա Ադրբեջանի հերթական քաղաքական ծուղակն է, և անկախ փոփոխությունից՝ Ադրբեջանը համաձայնագիր չի ստորագրի – 25․1%։

Կքվեարկեմ Սահմանադրության փոփոխությանը, եթե դա բերի իրական և երկարաժամկետ խաղաղության Հայաստանի և Ադրբեջանի միջև – 12․2%։

Դժվարացել է պատասխանել – 4․7%»:

Նշենք, որ հարցումն անցկացվելէ  հեռախոսազանգի միջոցով 1,101 քաղաքացու շրջանում օգոստոսի 25-03-ն ընկած հատվածում: