Պարոն Ալեքսանյան, ընդդիմության վրա, որ «մուննաթ» եք գալիս, ես կառաջարկեմ՝ ես էլ Ձեր հետ առնվազն մեկ անգամ, օգոստոսի 8-ից հետո, «մուննաթ» գալ Ալիևի վրա: «Մուննաթ» գալ Ադրբեջանի խորհրդարանի փոխնահագահի վրա, որն այսօր բառացիորեն հայտարարում է, թե «Զանգեզուրի միջանցքը» կոչելու են Ալիևի անունով: Այս մասին Ազգային ժողովում ասել է ՀՅԴ խմբակցության պատգամավոր Գեղամ Մանուկյանը:
«Նույնիսկ Ձեր ղեկավարը Շանհայի գագաթնաժողովում, ստիպված, բոլորի ներկայությամբ ասաց՝ Ալիևն ուրիշ բան է ասում, փաստաթղթում ուրիշ բան է: Նախաստորագրված Ձեր թուղթը, հռչակագիրը, որը խաբում են ժողովրդին, թե եռակողմ է՝ երկկողմ է: Փաստաթղթի բնօրինակում գրված է Ադրբեջանի նախագահի և Հայաստանի վարչապետի համատեղ հռչակագիրը», — նշել է Մանուկյանը:
Նա հիշեցրել է 2022 թվականի հուլիսին արված արտգործնախարարության հայտարարությունը:
«Հիշու՞մ եք՝ հպարտանում էիք, ասում էիք՝ վերջ, Թուրքայի հետ որոշել ենք արդեն երրորդ երկրից դիվանագիտական անձնագրով սահմանն անցնելու են: Երեք տարի անցել է, դիվանագիտական անձնագրով մեկ օտարերկրացի անցե՞լ է, բացի Մարգարայում Ռուբինյան-Քըլըչ հանդիպումը: Հիմա էլ ասում են՝ երկաթգծի տեխնիկական մասն ենք ուսումնասիրում: Մի քանի օր առաջ է եղել, Թուրիքան Կարս, Իգդիր, մինչև Նախիջևան երկաթգիծ է սարքում: Խաբում են, այն քարտեզի վրայի Կարս-Ախուրիկ երկաթուղին չկա», — հավելել է նա:
