Փաստաբան Նարեկ Ալոյանը նախաձեռնությամբ է հանդես եկել. «Համաներում 2025»

Հարգելի ընկերներ,

Իմ 8 տարվա փաստաբանական գործունեության ընթացքում ես օգնել եմ դժվարին իրավիճակում հայտնված բազմաթիվ մարդկանց` անմեղ մարդկանց, ընդդիմադիր ակտիվիստների և քաղաքական գործիչների, գործարարների, երբեմն նաև հանցագործների և այլոց։

Բազմաթիվ դեպքերում մարդկանց օգնել եմ նաև անվճար։

Փաստաբանությունն ինձ համար առաջնահերթ իրավապաշտպան գործունեություն է և այդ տրամաբանության մեջ ես այժմ իրականացնում եմ նախագիծ, որի շրջանակում առաջնահերթ ակնկալում եմ այն մարդկանց աջակցությունը, որոնց ինքս օգնել եմ ժամանակին։

Արդարադատության համակարգի թերությունների հետևանքով այժմ բանտերում են գտնվում բազմաթիվ անմեղ մարդիկ։

Ցավոք, բանտը հաճախ ոչ թե ուղղում է մեղավոր անձանց, այլ խեղում է ճակատագրեր, իսկ բանտում հայտնված անմեղ մարդկանց ճակատագրերն առանձին, չափազանց ցավոտ թեմա են։

Տարբեր պատճառներով կարծում եմ, որ այժմ առկա են համաներում հայտարարելու նախադրյալներ, ուստի խնդրում եմ միանալ իմ նախաձեռնությանը` միանալով “Համաներում2025” տելեգրամ ալիքին։

Շնորհակալ կլինեմ նաև այս գրառումը տարածելու համար🤝

Հարգանքով`
Ձեր փաստաբան Նարեկ Ալոյան