Պրոդյուսեր Իոսիֆ Պրիգոժինը փոդքասթի եթերում հայտարարել է, որ երգչուհի Ալլա Պուգաչովան ի թիվս այլ բաների, կարող էր ազդել Ռուսաստանի և Ուկրաինայի միջև միջազգային հարաբերությունների վրա: Այս մասին փոխանցում է gazeta.ru-ն:
«Նա էր, ով իշխանությունը պահում էր այս երկրում շոու-բիզնեսի ոլորտում։ Նա էր, ով կարող էր համախմբել ամբողջ շոու-բիզնեսը։
Նա էր, ով կարող էր գնալ Զելենսկու մոտ և ասել. «Վովոչկա, արի մշակութային կամուրջ կառուցենք և ինչ-որ բան անենք, որպեսզի մարդիկ կարողանան գոյատևել»»։
Պրիգոժինը դատապարտել է Պուգաչովային՝ Ռուսաստանից հատուկ ռազմական գործողության ժամանակ հեռանալու որոշման համար։
Նա ենթադրել է, որ երգչուհու հեռանալու հիմնական պատճառը նրա ցանկությունն էր «զվարճանալ» և վերականգնել իր նախկին ազդեցությունը երաժշտական ոլորտում։
