ՀՀ-ում որևիցե մեկը չի կարող իրեն թույլ տալ կամ չի կարող ներդրում անել, կամ վճարել ՀԷՑ-ի համար։ Այս մասին դատարանի բակում լրագրողներին ասել է «Մեր ձևով» շարժման համակարգող խորհրդի անդամ Ալիկ Ալեքսանյանը։
«Այստեղ այլ հանգամանք էլ կա․ գործն արբիտրաժում է, և ոչ մի նորմալ ներդրող արտերկրից իր ռիսկերը չի կարող ճիշտ գնահատել և փորձել Հայաստանում ՀԷՑ-ի հետ կապված ներդրումներ անել»,- նշել է նա:
Նշենք, որ դատարանը քննում է Սամվել Կարապետյանի կալանքը երկարաձգելու միջնորդությունը:
Ինչպես նաև քիչ առաջ ՀԾԿՀ-ն որոշում է կայացրել ՀԷՑ-ը զրկել լիցենզիայից:
