Մանիպուլյացիա են կատարում, զանգում են գործարարներին, ասում են մի ճշգրտում տվեք հարկային հաշվետվության, թողեք գումարը գա պետական բյուջեի վրա՝ եկամուտ երևալու համար, հունվարին նորից հետճշգրտում կտաք, հետ կգա ձեզ: Խաբկանք են ստեղծում, իբր բյուջեն կատարվեց, հունվարին՝ նորից դատարկվեց: Այնպես, ինչպես բյուջեի եկամտային մասն են նկարում, այդպես էլ նկարում են տեղում արտադրված ապրանքների քանակը: Այս մասին ասել է «Հայաստանը ես եմ» նախաձեռնության ղեկավար Նաիրի Սարգսյանը:
«Գոյություն ունի «ավելացված արժեքի հարկի» գումար, որը համարվում է պետության պարտք գործարարին: Գործարարը նախապես վճարում է, հետագայում պարտավորություն առաջանալու պարագայում հաշվանցում կատարելու նպատակով: Օրինակ՝ պայմանական 20.000 դրամ խանութում վճարել է կանխավճար, դրանից հետո ապրանքների ժամանակ 20.000-ից հանվելու է»,- նշել է նա:
Եզրափակելով իր խոսքը՝ Նաիրի Սարգսյանը շեշտեց, որ ներսում սպառում ավելանալու համար՝ կամ պետք է բնակչության աճ տեղի ունենա, կամ էլ տուրիստական ներհոսք.
«Վերջին հրապարակած տվյալներով՝ 1.7 մլն տուրիստ է այցելել Հայաստան, նախորդ տարվա նույն ժամանակահատվածում նույնքան տուրիստ էր եղել, նշանակում է՝ տուրիստական աճ չունենք, բնակչության աճ ևս: Հետևաբար, սպառում չի կարող ավելանալ, ինչի՞ հաշվին է ավելացել, չգիտենք, ստեղծված է խաբկանք»:
