Եթե Լոնդոնը, Փարիզը, Բեռլինը և Անկարան գործեն միասին, ստիպված չենք լինի թեքվել դեպի ԱՄՆ, Չինաստան կամ Ռուսաստան։ Մենք կարող ենք ստեղծել մեր սեփական ուժի կենտրոնը, Al Jazeera-ի հետ հարցազրույցում հայտարարել է Թուրքիայի արտգործնախարար Հաքան Ֆիդանը։
Նա զգուշացրել է, որ Եվրոպայի համար ամերիկյան «անվտանգության հովանոցը» չի կարող դիտվել որպես մշտական։
«Վաշինգտոնից կախվածությունը ռիսկեր է պարունակում, և անկախ քաղաքական և անվտանգության միջուկի ձևավորումը թույլ կտա Եվրոպային և Թուրքիային գործել գլոբալ բևեռացման տրամաբանությունից դուրս», — ընդգծել է Ֆիդանը։
