Ադրբեջանի համար խաղաղությունն արդեն ձեռք է բերվել։ Այս մասին France 24-ին տված հարցազրույցում ասել է Ադրբեջանի նախագահ Իլհամ Ալիևը։
-Սակայն ինչն է պակասում հարաբերությունների լիարժեք կարգավորման համար։ Ես, այսպես եմ հասկանում, Ադրբեջանի համար խնդրահարույց է մնում Հայաստանի Սահմանադրությունը և դրանում պարունակվող ձևակերպումը Ղարաբաղի նկատմամբ «տարածքային նկրտումների» վերաբերյալ։ Արդյոք սա ձեզ համար բացարձակ «կարմիր գիծ» է, որ առանց դրա փոփոխության նորմալացում տեղի չի ունենա:
-Այո, դուք ճիշտ եք: Առանց դրա խաղաղության համաձայնագրի ստորագրումը չի կայանա։ Ես կկիսեի հարաբերությունների կարգավորումը և պաշտոնական խաղաղության համաձայնագիրը, քանի որ նորմալացումն արդեն տեղի է ունենում:
Ինչպես ասացի, այս բոլոր դրական իրադարձությունները ցույց են տալիս դա: Բայց հայկական Սահմանադրությունը, որն ընդունվել է վաղուց՝ «Ղարաբաղի օկուպացիայի» ժամանակ, հղում է պարունակում Հայաստանի անկախության հռչակագրին, որտեղ կետ կա այն մասին, որ այսպես կոչված «Լեռնային Ղարաբաղն» ու Հայաստանը պետք է միավորվեն։
Այնպես որ, դա «տարածքային պահանջ է Ադրբեջանի նկատմամբ»։ Մեր դիրքորոշումը երկար տարիներ՝ ղարաբաղյան երկրորդ պատերազմի ավարտից ի վեր, շատ պարզ էր։ Սա պետք է փոխվի: Եվ որքան ես գիտեմ, Հայաստանը նախատեսում է հանրաքվե անցկացնել։
Եվ երբ դա արվի, խաղաղության համաձայնագրի պաշտոնական ստորագրման համար որևէ խոչընդոտ չի լինի։ Բայց ես ևս մեկ անգամ ուզում եմ ընդգծել, որ Ադրբեջանի համար խաղաղությունն արդեն ձեռք է բերվել։ Կարգավորման գործընթացը հաջող է ընթանում։ Եվ ես հույս ունեմ, որ երբ այս իրավական ձևականություններն ավարտվեն, մենք կհասնենք պաշտոնական խաղաղության։
