Արմավիրի մարզպետը կռիվ է տալիս «Փառքի անկյունի դեմ», հերոսների նկարները աղբանոցում են․Շահումյանի բնակիչն ահազանգում է

«Եկեք տեսեք՝ Շահումյանի դպրոցում, որտեղ են հայտնվել հայրենիքի  համար զոհված հերոսների  նկարները, «Փառքի անկյունի դեմ» կռիվ են տալիս մարզպետարանից»։ Այս մասին NewDay.am-ին ահազանգում է Արմավիր մարզի Շահումյան գյուղի   միջնակարգ դպրոցի սաներից մեկի ծնողը՝ խնդրելով անունը չհրապարակել․ կարող է աշխատանք կորցնել։

«Դպրոցի  տնօրենը՝ Լենա Խաչատրյանը թոււյլ չի տալիս  պատին փակցված մնա, տարել են երկրորդ հարկ՝ նախկինում  ճաշարան էր, հիմա վերածվել է զիբիլանոցի։  Պաստառները, որոնց վրա  հերոսների նկարներն են առանց ամաչելու շպրտել են մի կողմ, թողել աղբանոցում։ Բա խիղճն ու՞ր մնաց»,-ասաց ծնողը։ Ըստ նրա՝ ՔՊ-ական մարզպետ Վահրամ Խաչատրյանն ավելի է սաստակացրել  «Փառքի անկյունների դեմ» իշխանությունների կողմից դեռ տարիներ առաջ սանձազերծված պայքարը, վստահեցրեց՝ Արմավիրի  դպրոցներ այցելենք, կհամոզվենք։

Ծնողը մեզ տրամադրել է նաև լուսանկարներ։

Հիշեցնենք, որ Արմավիրի մարզից «Փառքի անկյունի»  հետ կապված  ահազանգ NewDay.am-ը սատցել էր նաև Նորակերտ գյուղից, տեղում կատարել էինք նկարահանումներ․ բնակիչները բողոքի ակցիա էին իրականացնում։